Foto’s aafsjiedsoptraeje in Zoepkoel online
Fotograaf Antoine Bongers oet Heytse (jao…de bekker!) haet ein fantastische fotoserie gemaaktj van os aafsjiedsoptraeje in de Zoepkoel. Antoine, hartelik dank hiejväör. Bekiek ze flot! Klik op de foto…
Höbtj gae ouch nog leuke foto’s van Sjeng & the Gang, den haoje wae os aanbevaole! Neem contact met os op via ‘t contactformulier. Daonao neme wae contact met uch op om ‘t ein en ‘t anger aaf te stumme. Alvast bedanktj!
Ein waardig aafsjied väör Sjeng The Gang!
Vastelaovendj 2012 stong väör Sjeng & the Gang in ‘t teiken van aafsjied neme. Nao ruum 12 jaor is ‘t noe écht gedaon! Eigelik moeilik te bevatte, zeker gezeen de letste twië optraejes die wae gegaeve höbbe. Op Vastelaoves-zaoterdig een waardig aafsjied väör hiël Limburg in de Zoepkoel. ‘t Plein ram oppe kop!
Mer zeker ‘t definitieve aafsjied op Vastelaoves-dinsdig Bie Briels in Roggel waas onvergaetelik. Woea wae op gehaoptj haaje is oetgekome. Missjien nog waal miër den det! De zaal en ‘t keffee aafgelaaje vol met enthousiaste Vastelaovesveerders die os nog eine kiër wooje zeen knalle. Nog éine kiër de aoj nömmers huere spele, nog éine kiër dae sjoeane onnuezele kal.
Wae bedanke eederein dae os de aafgeloupe jaore ein werm hert haet toegedrage, of och mer iets met Sjeng & the Gang te make haet gehadj… op welke meneer den ouch! Sjeng & the Gang… ein boetegewuen klupke, wars van protocolle en dök eigezinnig. Mer oeteindelik haet dit os toch gebrachtj tot woea wae gekome zeen. Winnaars van de talentejacht ‘Alaaf’ van de Sjeng Kraft Kompenei en diverse optraejes door hiël Limburg woeavan diverse kiëre in de Zoepkoel en op de 11devande11de in Mestreecht. In totaal zeen 3 cd’s oetgebrachtj met nömmers die nog steeds regelmaotig te huere zeen, en woea wae ouch nog steeds sjoean reaksies op kriege. Een sjoeane troost, op dees meneer zal Sjeng & the Gang noeats verlaore gaon. Minse…bedanktj!
In de Zoepkoel… väör de letste kiër!
Hiël langzaam kroepe wae nao ‘t inj van ‘t bestaon van Sjeng & the Gang! D’r is nog neet echt hiël väöl ruchtbaarheid aan gegaeve, en hiël väöl minse beseffe ‘t missjien nog neet, mer nog slechs twië optraejes… en den valtj echt ‘t dook väör Sjeng & the Gang. Gae snaptj det wae de komendje optraejes met twië gedachtes op de podia zulle staon. Van de eine kantj wille wae d’r wiej altied ein groeat fiëst van make, mer van de angere kantj is ‘t gewuen ein aafsjied van hiël väöl jaore lol en plezeer.
Mer genog daovan! Wae gaon op de zaoterdig väör de vastelaovendj de Zoepkoel aojerwèts oppe kop zette, nog éine kiër knalle, nog éine d’r vol väör gaon! Alaaf alvast!
Ger Frenken 6e keer Buuttekampioen!
Uiteraard kunnen we dit nieuws niet aan ons voorbij laten gaan! Vol trots hoorden we hoe ‘onze Sjeng’ voor de 6e keer de titel in de wacht sleepte. Als ‘insiders’ wisten we allemaal hoezeer Ger er op gebrand was om nog éénmaal de felbegeerde titel in de wacht te slepen… en hoe! Ger Frenken heeft een aantal jaren terug ‘model gestaan’ voor de belichaming van ‘Sjeng’ zelf. Jarenlang werd ons gevraagd, wie is nu Sjeng? Tijdens een vergadering werd de vraag aan alle leden van Sjeng & the Gang gesteld, … het antwoord was voor ons duidelijk. Een telefoontje was voor Ger voldoende, ‘natuurlik jonges en maedje!’. Ger heeft een glorieuze hoofdrol gespeeld in het meest favoriete nummer van Sjeng & the Gang ‘Ich dink aan dich’ (bijna 28.000 keer bekeken!). Ger proficiat!